ຕາມຂ່າວຈາກ ຊິນຮວາຂອງຈີນ,ກະຊວງ ສາທາລະນະສຸກ ສິງກະໂປ ອອກຖະແຫລງການ ໃນວັນທີ24ມີນາ ກ່ຽວກັບ ການຫລຸດຜ່ອນ ມາດຕະການ ປ້ອງກັນ ການແຜ່ລະບາດ ໂຄວິດ-19 ມີຜົນທັນທີ ຫລັງຈາກ ສະຖານະການ ແຜ່ລະບາດ ຂອງໂຄວິດ-19

ໃນປະເທດ ກັບມາ ຄວບຄຸມໄດ້ແລ້ວ ໂດຍຍອດຜູ້ຕິດເຊື້ອ ໃນປະເທດ ຍັງຄົງຢູ່ໃນລະດັບຕ່ຳ ໂດຍສະເລ່ຍ 2ຄົນ ຕໍ່ອາທິດ ໃນໄລຍະຫລາຍເດືອນຜ່ານມາ.ສິງກະໂປ ກວດພົບ ຜູ້ຕິດເຊື້ອ ລາຍໃໝ່ ເພີ່ມຂຶ້ນ 15ຄົນ ໂດຍທັງໝົດ ຕິດເຊື້ອ ຈາກຕ່າງປະເທດ.ສຳລັບ ມາດຕະການ ຫລຸດຜ່ອນ ໃນຄັ້ງນີ້ ຈະອະນຸຍາດ ໃຫ້ເພີ່ມຈຳນວນຜູ້ເຂົ້າຮ່ວມ ໃນພິທີແຕ່ງດອງ ທັງໃນໄລຍະ ການປະກອບພິທີ ທາງສາດສະໜາ ແລະ ງານລ້ຽງ

ຈາກປັດຈຸບັນ ທີ່ກຳນົດໄວ້ບໍ່ເກີນ 100ຄົນ ສາມາດ ເພີ່ມຂຶ້ນເປັນ 250ຄົນ.ນອກຈາກນີ້ ສິງກະໂປ ຍັງກຳນົດ ໃຫ້ຜູ້ສູງອາຍຸ ລະຫວ່າງ 45-59ປີ ສາມາດ ລົງທະບຽນ ເຂົ້າຮັບການສັກວັກຊິນ ໄດ້ຕັ້ງແຕ່ ວັນທີ24ມີນາ ເປັນຕົ້ນ ໂດຍຜູ້ລົງທະບຽນ ຈະໄດ້ຮັບການແຈ້ງ ເມື່ອມີວັກຊິນ ພ້ອມສັກໄດ້ທັນທີ.

ຮຽບຮຽງ​ຂ່າວ​ໂດຍ ສະ​ໄຫວ

LEAVE A REPLY

Please enter your comment!
Please enter your name here